(Dongeng Cep Agus candak ti Garut)

NUHUN .... yung, NUHUN, yung !

       Teuing geus jadi pagawean, teuing memang kitu we nu ngaran budak lalaki mah sok resep ngintip budak awewe nu ngadon mandi. Ari kituna mah geus aya ti zaman baheulana, nya saperti carita "Joko Tarub jeung Tujuh Widadari". Komo sok belaan kumaha bae lamun seug anu diintipna teh awewe nu dipikaresep. Paduli teuing teu nempo, ku ngadenge gegejeburan caina oge asa ningali dikieuna. Beuki anteng nu ngintip lamun kadenge nu tijero kamar mandi gegerendengan, tembang atawa hahariringan. 

      Kota Garut mun nyedek ka peuting ngadadak sok rada tiris, ongkoh deui ayeuna mah usum hujan, beuki we tirisna teh. Tapi sanajan tiris ge ari di tempat penginapan mah disadiakeun cari keur mandi nu panas atawa hanet mah. Malah sok ngahaja we setelan di satiap kamar mandi teh caina disina hanet wae. 

      Ibu-ibu jeung bapa-bapa peserta PLPG nu boga panyakit beser mah meni mindeng lar sup ka kamar mandi teh. Komo ari bapa-bapa mah mindeng pisan kaluar ti tempat pelatihan teh, alesanana beser cenah. Padahal rek ngadon ngaroko atawa ngaleungitkeun tunduh jeung kesel diuk bae. Ari kituna mah ibu-ibu oge aya nu mindeng ka WC, sarua beser meureun.

      Pareng Cep Agus tos ti WC, kaluar bari memener beubeur. Keur kitu aya ibu-ibu duaan sarua rek asup ka WC ngadon ngompol meureun. Duanana gagancangan asup bareng ka toilet paragi awewe sewang-sewangan. Ari cep Agus di toilet teh masih keneh memener retsleting calana nu rada macet. Sabuat keur kitu kadenge di hiji toilet aya nu ngagoak "Awww.... awwww, awwwwww ... !" Ceuk eta sora disambung ku cicirihilan, meureunan caina panas. Nya kan biasa mun tos pipis mah sok tuluy cecewok. Kadenge ungal nyiuk make gayung ngagorowok "aaaaw awww aawww" cenah. Geus katilu kalina nyiukkeun cai teu kadenge deui aya nu aww aww an...ti jero toilet teh. Tapi teu acan kaluar keneh ibu-ibu teh, rada lila cicing di kamar mandina. Teuing keur naon keneh tah ibu-ibu di jero toilet teh.

       Sanggeus sababaraha lila kakara nu saurang kaluar, bari ngomong "Haduh, nuhun ... nuhun !" cenah. Teu kungsi lila ti harita kaluar deui nu saurang, bari nyarita rada ngageter "Yung ... yung, nuhun-nuhun !" pokna.

       Cep Agus nu rada nyumput ngadedengekeun ibu-ibu tadi, bari api-api ngeunteung. Geus kaluar ti ruang toilet si ibu nu saurang ngomong ka baturna "Teu kira-kira tadi di WC bakat ku panas caina, ceuceu reuwas !" cenah kecapna ka baturna. "Bakat ku reuwas, nu tadina nagog jadi aniprek. Atuh gagang gayung meni mahi asup kana ieu ... yeuh !" kitu saterusna bari nuduhkeun kana nu aya dihandapeun beuteungna Hahaha horenganan cenah gagang gayung asup... paingan rada lila di jero toiletna.